நேற்றைய சந்தையில் நிப்டி காலை துவக்கத்திலேயே 30 புள்ளிகள் வரை அதிகரித்து துவங்கின . பின்னர் சந்தைகள் வேகமாக மேலே உயர தொடங்கின . ஆசிய சந்தைகள் துவக்கம் முதலே " FLAT " நிலைகளிலே வர்த்தகத்தினை முடித்து கொண்டன . ஆனால் நமது சந்தைகள் வேகமாக முன்னேறி நாளின் உயரங்களை கடந்து " 3500 " புள்ளிகள் வரை சென்றன . பின்னர் மதியத்திற்கு மேல் சந்தைகள் வேகமாக சரிய தொடங்கின .

காரணமில்லாமல் தைவான் சந்தைகள் " 5 % " வரை சரிவு அடைந்து முடிந்தன .

நமது சந்தைகள் முடிவில் முக்கிய ஆதரவு நிலைகளான " 3450 " இல் சந்தைகளை நிறுத்த முடிந்த வரை முயற்சி மேற்க்கொள்ளப்பட்டதாக தெரிகிறது . ஆனால் சரிவினை தடுக்க முடியவில்லை தொடர்ச்சியாக சந்தைகள் சரிய தொடங்கின .

அதன் பின்னர் சந்தைகள் அடுத்தடுத்த ஆதரவு நிலைகளான " 3410 , 3380 ," ஆதரவு களையும் இழந்தன . பின்னர் முந்தய நாளின் குறைந்தபட்ச புள்ளிகளான " 3362.10 " ஐயும் உடைத்து " 3354. 50 " வரை சந்தைகள் சரிவினை அடைந்தது குறிப்பிடத்தக்கது . கடந்த சில தினங்களாக சந்தைகள் குறைந்த பட்சம் மூன்று அதரவு அல்லது எதிர்ப்பு நிலைகளை பதம் பார்க்கின்றன ..

நேற்றய அமெரிக்காசந்தைகள் வழக்கம் போல " FLAT " நிலைகளில் வர்த்தகத்தினை முடித்துக் கொண்டுள்ளன . அமெரிக்கா சந்தைகளை பொறுத்தவரை இந்த வாரம் பெரிதாக உயர்வுகள் எதுவும் இல்லை (ஏன் எனில் அமெரிக்கா சந்தைகளில் காலாண்டு அறிக்கைகளை வைத்து பெரிய சரிவுகள் எதிர்பார்க்கப்பட்டது ) . எதிர் பார்க்கப்பட்ட அனைத்து காலாண்டு அறிக்கைகளும் நேர் மறையாக வந்ததுள்ளது குறிப்பிடத்தக்கது ...
இருந்தாலும் இந்த நேர் மறை அறிவிப்புகள் அனைத்து சந்தையின் சரிவினை தடுக்கும் முயற்சியாக இருக்கலாம் என கருதுகிறேன் ...

நன்றி !!

தற்பெருமை எங்கே முடிவடைகிறதோ அங்கே ஒழுக்கம் ஆரம்பம் ஆகிறது ...